لعيون أبو عمار...

(( لعيون أبو عمار))


وين عيونك تشوفنا يا أبو عمار؟
شو كان عم بيصير وشو هلأ صار؟
شعبك شعب الثوار؟
..عم نتقاتل وكأنا ولاد صغار
كنت دايماً تقلنا الجار للجار
كنت تقلنا نرفع راسنا لفوق لأنا كبار..
وهلأ عم نحرق زيتونا بالنار
شعبك شعب الأبطال عم ينهار
وأنا عندي الك شوية أسرار:
الأخوة بينهم أمتار وأمتار
بنينا بين غزة و جنين أسوار كتار
وصرنا ببلادنا متل الزوار
والدار ما عادت دار..
بنرفع السلاح بوجه بعض ونسينا الانتصار!!
ونسينا حلم الأحرار
لا..أوعى تبكي يا أحلى ختيار
لسا بإيدنا الخيار
وما في ليل إلا وبعدو نهار
ولسا عنا رجال ورجانا كتار
رح نرجع الدار جنب الدار
وعمرنا ما ننسى أنا الشعب الجبار
ونعتبر انو اللي صار عمرو ما صار
ونمشي على كلمتك بأنا كلنا فلسطينين فلسطينيين
بكل عزة وافتخار....

وكلنا معكم يا فلسطينين